Sunday, 18 May 2014
The Sunday Posts 2014/ Prows O Reekie
O wad this braw hie-heapit toun
Sail aff like an enchanted ship,
Drift owre the warld's seas up and doun,
And kiss wi' Venice lip to lip,
Or anchor into Naples' Bay
A misty island far astray
Or set her rock to Athens' wa',
Pillar to pillar, stane to stane,
The cruikit spell o' her backbane,
Yon shadow-mile o' spire and vane,
Wad ding them a', wad ding them a'!
Cadiz wad tine the admiralty
O' yonder emerod fair sea,
Gibraltar frown for frown exchange
Wi' Nigel's crags at elbuck-range,
The rose-red banks o' Lisbon make
Mair room in Tagus for her sake.
A hoose is but a puppet-box
To keep life's images frae knocks,
But mannikins scrieve oot their sauls
Upon its craw-steps and its walls;
Whaur hae they writ them mair sublime
Than on yon gable-ends o' time?
Photo by Alistair.
Mince and Tatties I dinna like hail tatties Pit on my plate o mince For when I tak my denner I eat them baith at yince. Sae mash ...
Lilacs blossom just as sweet Now my heart is shattered. If I bowled it down the street, Who's to say it mattered? If there's...
Hush, hush, time tae be sleepin'. Hush, hush, dreams come a-creepin'; Dreams of peace and of freedom, So smile in your sleep,...
70 years ago today my fathers war came to an end with the final mission to deliver food to starving Holland. A few years ago I pos...