Sunday, 25 December 2016

The Sunday Posts 2016/ Da Night at Christ wis Boarn

A lass, wis gaen ta cry,
ta Bethlehem cam, weary an makkin maen,
an fan dey wir nae wye
ta lay her doon, for aa da beds wis taen.
Da lodgin-mistress said
da byre wid hae ta du dem, till da moarn:
dere, twa clean windlins spread
athin an empty stall, Goad’s Bairn wis boarn.
A peerie whaig, wi a starn
athin her broo, wis tied apo da waak,
an, inbye i da barn,
wi sleepy peesters, hens upo da baak.
Whin aa wis ower an düne
da Midder’s een droopit in sweet relief;
Joseph sat winderin on
dis marvel at wis nearly past belief.
Dan suddenly, da lift
wis filled wi light an singin fae abüne! –
as Pretty Dancers shift,
sae moved da singers o da heevenly tüne,
an whin dey aa wir geen,
doon da lang hilly gait da shepherds cam,
winderin what hit might mean –
an ane wis kerryin a ting o lamb.
Dey cam in trow, an bent
afore da Infant in a glüd o light:
intae demsels, withoot a doot dey kent
hunders o years wid hear aboot dis night.
Stella Sutherland.
Photo Cathar Memorial, Minerve, Languedoc.
By Alistair.




Yamini MacLean said...

Hari OM
...nae hunders, bit thoosan's!!! Hope you are well Alistair and that your Christmas is as you would wish it to be. May 2017 dawn full of hope and anticipation. YAM xx

Twisted Scottish Bastard said...

Fair enough, but it took real concentration (difficult to do at this time of the year) to get a haundle o't

Like the Cathar Memorial photo.

The Sunday Posts 2017/Mince and Tatties.

Mince and Tatties I dinna like hail tatties Pit on my plate o mince For when I tak my denner I eat them baith at yince. Sae mash ...