Sunday, 26 January 2014

The Sunday Posts/ A Man's A Man.


Is there for honest Poverty
That hings* his head, an' a' that;        {hangs}
The coward slave-we pass him by,
We dare be poor for a' that!
For a' that, an' a' that.
Our toils obscure an' a' that,
The rank is but the guinea's stamp,
The Man's the gowd* for a' that.       {gold}

What though on hamely fare we dine,
Wear hoddin* grey, an' a that;         {coarse material}
Gie fools their silks, and knaves their wine;
A Man's a Man for a' that:
For a' that, and a' that,
Their tinsel show, an' a' that;
The honest man, tho' e'er sae poor,
Is king o' men for a' that.

Ye see yon birkie*, ca'd a lord,     {fellow}
Wha struts, an' stares, an' a' that;
Tho' hundreds worship at his word,
He's but a coof * for a' that:           {fool}
For a' that, an' a' that,
His ribband, star, an' a' that:
The man o' independent mind
He looks an' laughs at a' that.

Then let us pray that come it may,
(As come it will for a' that,)
That Sense and Worth, o'er a' the earth,
Shall bear the gree*, an' a' that.   {take priority}
For a' that, an' a' that,
It's coming yet for a' that,
That Man to Man, the world o'er,
Shall brothers be for a' that.

Robert Burns 1795.
Photo By Alistair.


Yamini MacLean said...

Hari Om
We could do no worse than take this advice the world over again and again and again... Hoorah for Rabbie.

It's a dreich auld day the day, but hope you are finding your inner sunshine! YAM xx

Alistair said...

Hi Folks,

Sorry if your comment no longer appears. I deleted some spam comments and since then your genuine comments are no longer appearing even though they still show in comments in my dashboard. I've no idea why that is and despite trying several things to rectify they are not being reinstated.

Sorry about that

The Sunday Posts 2017/Mince and Tatties.

Mince and Tatties I dinna like hail tatties Pit on my plate o mince For when I tak my denner I eat them baith at yince. Sae mash ...